Papa Françesku: – Bota ka hyrë tashmë në ‘Luftën e Tretë Botërore’, vende të ndryshme janë përfshirë në konflikte ushtarake
Papa Françesku e bëri komentin në lidhje me Ukrainën, por paralajmëroi se konflikte të ngjashme do të luftohen pjesë-pjesë me kalimin e kohës.Papa Françesku i ka konsideruar konfliktet aktuale në vende të ndryshme të botës si ‘Lufta e Tretë Botërore’ . Papa e bëri këtë koment gjatë audiencës së tij të zakonshme.
“Nesër do të kujtoni përvjetorin e shpërthimit të Luftës së Dytë Botërore, e cila shënoi me kaq dhimbje kombin polak. Kujtimi i përvojave të kaluara uroj t’ju shtyjë të kultivoni paqen në veten tuaj, në familjet tuaja, në jetën shoqërore dhe ndërkombëtare”, u shpreh Papa.
Lidhur me pushtimin e Ukrainës nga forcat ruse dhe luftën që po zhvillohet atje Papa tha se ky është konflikt shumë më i madh gjeopolitik, sipas mediave shtetërore të Vatikanit.
Papa iu referua epokës aktuale që po kalon bota si “Lufta e Tretë Botërore”, duke thënë se konflikti gjithëpërfshirës ka shumë të ngjarë të zhvillohet pjesë-pjesë, ndryshe nga luftërat e mëparshme globale, transmetojnë mediat e Vatikanit.
Gazeta Panorama